يضحك من نمر حفاي درب الطيـن
نمشي بلا درب والخطوه شمرة عين
اجـه الليل وغفينه ومات بينه النوم
وتلاكينـه بحلم واثنينه متيهيـن
لاصبحيـه تضوي ولاشمس بالروح
ظلمه ومن بطرهه اتعثر الماشين
تودعني بهلا وخدي انترس بوسات
ماجنـه انتوادع جنـه متلاكيـن
مهجوره بـغيابك والـغراب يـدور
ويفزع الشماتـه وينده الـواشين
غركنه والسفينه مسيسه فوك الماي
السفينه بلا كسر بس احنه مكسورين..

والله خنكه.... روحي ملت من وضعهه وبالنفس ما بعد شهكه...... والله خنكه.....الضيم ذب روحه بشليلي والحزن لازكلي لزكه...... والله خنكه......المن اشكي وماكو بين الناس واحد من اجيه يفتحلي خلكه.... والله خنكه......الدنية صارت نار كبره وكلبي كل ساعه تحركه......الدنيه صارت بس وداع وابد ما ضل بيهة ملكه......الدنية صارت ليل هندس والوكت فاتحلي حلكه......الدنية صارتلي جهنم وانـه شجره وكمت اطيحن وركه وركه......والله خنكه......والله اذاني زماني والفرح اركض وراه وما الحكه......والله كمت ابجي عله حالي واذا اصفن فوك جتفي تراب تلكه......بس بواجي ونوح ثجله وما سمعت بيوم صفكه......وحته باب الصبر عزل لان كل لحضه ادكه......والله خنكه......الدنيه صارت نار كبره وكلبي كل ساعه تحركة......والله خنكه......والله خنكه.

ﻳﺎﺭﻭﺡ ﺍﻟﻌﺴﻞ ﺳﺒﺤﺎﻧﻪ ﺍﻟﻤﺴﻮﻳﻚ
ﺷﻴﻔﺴﺮ ﺟﻤﺎﻟﻚ ﻭﺃﻧﺖ ﻣﻮﺳﻮﻋﻪ
ﻳﺎﺭﻗﻪ ﻭﺗﺮﺍﻓﻪ ﻭﻱ ﺣﻼﺓ ﺍﻟﺒﻴﻚ
ﺃﺧﻼﻕ ﻭﺟﻤﺎﻝ ﻭﻛﻠﻬﻪ ﻣﺠﻤﻮﻋﻪ
ﻳﺎﻟﺘﻔﺎﺡ ﺧﺪﻙ ﻭﺍﻟﺸﻔﺎﻳﻒ ﺗﻴﻦ
ﻓﻬﻤﻴﻨﻲ ﻳﻔﻼﻧﻪ ﻣﻨﻴﻦ ﻣﺼﻨﻮﻋﻪ
ﻳﺎﺃﺭﻗﻪ ﺃﺑﺘﺴﺎﻣﻪ ﻭﺿﺤﻜﻪ ﻣﺴﻤﻮﻋﻪ
ﺃﻧﻪ ﺍﻟﻤﺎﻏﺎﺯﻟﺖ ﻏﻴﺮﻙ ﻭﻻ ﺣﺒﻴﺖ
ﻭﺁﻧﻪ ﺑﻐﻴﺮ ﺣﺒﻚ ﺷﺠﺮﻩ ﻣﮕﻄﻮﻋﻪ
ﻣﻦ ﻳﻮﻡ ﺍﻟﻌﺮﻓﺘﻚ ﻛﻠﻲ ﻣﺤﺘﺎﺭ
ﻭﻳﺤﺘﺎﺭ ﺍﻟﺸﻌﺮ ﻟﻮ ﺻﺮﺕ ﻣﻮﺿﻮﻋﻪ
ﻳﺎﺣﻠﻮ ﺍﻟﺪﻟﻊ ﻣﻔﺼﻞ ﺃﻟﻚ ﺗﻔﺼﺎﻝ
ﻋﻤﻲ ﻳﻠﻮﮔﻠﭻ ﻟﻮ ﺻﺮﺗﻲ ﺩﻟﻮﻋﻪ

روحي يمك ...
عودتهه اتحن الك مثل النوارس
من تحن بشواكهه لماي الشواطي
روحي يمك ...
وانه باقي بلايه روح سنين عايش
فاركتهه هواي من يوم العرفتك
روحي يمك ..
نجمة اول ماعرفتك
فوك ليل رموشك بود علكتهه
روحي يمك قصتي ومنين ماتقراهه هيه تصير قصه
روحي يمك ...
فرصه الك جانت وانه المامره منك خذت فرصه
ترجف جفوفي منريد اقره القصيدة
واحس بيك تشكك اوراقي الاحطهن عالمنصه
عوفني بداعت عهد وياي تبقه
مالي حيل اتملك والحيل ورقه
بيك ياسوك المشاعر كلشي صار
وموعجيبه وياك كلبي ايصير صفقه

اريد احجي بجرح تبجيله كل عين*&
وأريد أكتب قصيدة بريشة أحـزاني
وأريد آخذ همومــي لفوگ الغيوم
أهدها وهم ترد ترجعلي مــن ثاني
خلص هذا العمر هم ومصــاب وآه
أسِد باب الحزن وأنسى شكثر بيباني
مل مني الصبر بس آنــي مامليت
أكابر وأبتسم لــو شفت صحباني

ارد انافق 
اي انافق حتى اعيش
واجرح حساسه النعامه من اكلها 
المايعرف يطير ليش بجنحه ريش
وخاطر الناعور يرضى راح امدحنه جذب
من اشوفه يفتر بصف نهر ناشف راح اكله شكد حلو احساسك رطب 
علموني 
تريد تشلع كلب نخله 
كبالها احرك سعف 
تريد عاهر ترضى عنك لاتسولف عالشرف 
شكد ليذه الدنيا عندي 
من اشوف الاخذ صاحبتي انخطف 
الذنب ذنب الرمه الطيره 
والسهم نيته سليمه 
شكد هضيمه 
التذل الشمس غيمه

السهر يبّس جفوني بحسرة الدمعة بقيت
كون احضنك يا كّبر واتغطة بيك
كون ملفوف بجٍِفن حتة اعتنيك
هوة راح وانة للمامش بقيت

عيني رفت واعرفتها ترف امـــــــوت
وجان ماخذني النزف
..
شلون شلتوني بجنازه اعله الجتاف
وانتو مابيكم صلف
...
ومن دخلت اعله المكابر كلها غربه
منيــــــــن مافوتن غريب
ومايعرفوني العرف
..
الجنه خضره وبيهه خير؟
ودورتها ومالكيت
مثل ابوي وريحة امي وربعي الاخشنهم ترف
...
الجنه خضره
ومادنت روحي اعله حوريه ورضبت
متاني ولفي
وعيني ماطلبت ولف

نويت تروح شنهي اسباب الوداع
غير اني اقتنع حتى اقنع الغير
توصيني أعله حزنك عايش وياي
مادام الدمع سالم حزنك بخير
خذت كلبي وتكلي جروحنه شلون؟
توصل بالسلامه جروحك أبير
زرعت البس تجي بس خضرت راح
غصن متروك يحلم بالعصافير
صفت روحي فراشه بمكبرة شوك
بجنح مكسور شيظل واهس اطير
كلتلي انساني كتلك اسأل الروح
ياماي النسه دور النواعير
عفتني لوحدي بنص ناس مو ناس
مثل خطوة دمع بس توكف اطيح
صرت شراع كلت أبحر الافراح
شفت شماتي روجه والحزن ريح
أعله بيبان الجفن منتضره الدموع
أعله اثر خطوت هجرك أتصيح
عندي جروح تسمع سمع بالعيد
تستاحش اذا شافت مراجيح

ردت ضحكتي وطك بالصفار الوان
وبده يمر الورد بشفايفي الزركة
خير من الله قلت نسبة الدخان
وبدت نسمة نظيفة تمر على الشهكة
كبل جيتك عشتها مكالب اعلى النار
مثل العنده غيرة ومااخذ حكه
انهجم بيت الكلب ماباجي عالميتين
وعلى ابسط ذكره منك يبجي وبحركة
الارض ماتشتكي لو نجم بيها يطيح
بس توجعها كلش طيحت الوركة
ااسافر والغرك بالخنكه جنهم توم
وانه اثنيناتهم وغروبي اجه بخنكة
ومن اخر نفس والله اصرفت ثلثين
انه بشحة هوا واتنفس بملكة

يمته احس بروحي احبك
كافي نتفارك حقيقه ونلتم بشارع شعر
اخبص الشجره عصافير الصبح
اكعد براسي جكاره
وصفي نيتك
نية الجادر دمع
عوف كلشي...وجيب كلشي
الميت سوالف سمع

انه مو واحد فقير ....
انه واحد نص فقير ؟
عدنه غرفه بنصهة بيت ،،، ولو نوينه انام نوكف !!!
''والله ليباوع علينه يكول حسبالك صور ''
روحي ملت بيه ضلت اه وحدة
وجاي ادور ياهو يسوة انكله اااه
يا حبيبه الترضه بيه .....
وانه كل هدومي ثوب مشارك بحرب الخليج
ناس مبيوعه بوكت....
جان الحرام التارس الوادم حلال
* والله من احط ابليس يمهم يطلع انسان بجدارة

عجيبه الناس گامت ماتَعرف اتحب ؟
وعجيبه الــي تحبه ايگــوم يدلل
وعجيبه الي تضحيله ابعمر وسنين
يجازيك ابجرح ويگوم يتمندل
ياعمي العشگـ مو هيج يمعودين
أذا اتريد أتعَرف شنهو العشك اسأل
أسأل قيس .. ليلى وروميو وجوليت
ابمدرسة العشگ ذوله اصبحو اول
روح اسأل الليل واهـ من الليل
چم عاشگ يظل للصبح يتغزل

بت حلال...
هي اي صح بت حلال...
معلميها اعله الحب والدلال ...؟
وانه فد واحد فقير ...!؟
لا اااا...
نص فقير ابلايه بيت
وهي رادت مني بيت ..!؟
وگوه دبرت انه بيت بنص قصيده
وتالي گالت ما اريده ....!؟

كلشي ماعندي حزين
عندي محبوبه قديمه
رادت ابدي من اﻻخير
ومن جبت امي بعبايه-----امها كالت
بنتي حلوه"اشلون اناسبلي فقير
هيه جمعت كل حﻻل الله بوجها
وشترت بدلة عرس
واني اجمع"" كل اخوتي بغرفه من تطلع شمس

راح اكله ... بس شكله ؟
هي صعبه
والتكتلك حيل سهله
وليش اكله ؟؟
هو يدري بروحي نسمه ,,وروحه كذله
وهو يدري ضنوني عنبر ,,
وجلمته الما تصفه دهله
وهو يدري العشكً من يصير سكته ,, يصير ذله
بصوته ماي وطيره بيضه ونعمة الله ويمكن احلى
وجلمة شفافه غزاله
وخلكًي مسطاحة محله
بعينه نيتي ونيته كًعدن
وحزني لاكَ عليها كحله
ايونس البسمه اعله شفته
وعينه من يغتاض تحله
وجهه يشبه وجهه وحده
بالشبه بس وجهه مثله
طوله ماكفتله عيني
من الله ,,ماينشاف كله
المايعرفه يدوخ يمه
وانه خله
من يغازلني اعله كيفه
يسكت ويحجيلي ضله
وظله يحجيله علَيهَ
وهو ما ادري شيكَله؟
ماخذ حجاياتي كلهن
وهو بحجاياتي شله

عندك علم
انته بحياتي شكد مهم
عندك علم ...
تركوني أهلي وصحبتي وضليت
حاير منصدم
عندك علم ...
الشفه زاعلهة الضحك وبغيبتك
ماتبتسم
عندك علم ...
بجفوني مامر الفرح وعالعين
زعلان الحلم
عندك علم ...
منتظر جيتك يالمحب ولاجيت
لا شخصك ماندم
مرسال منك ما وصل
فهمني ماعندك قلم
هذا آنه حالي بغيبتك ...
يومية ينعاد الفلم

مفضوحين مثل سوالف عرسان 
محد شافهم بس كله تدري شصار

ﺻﺒﺮﺗﻲ ﻭﻋﻤﺮﺝ ﺍﺗﻨﺎﻭﺷﻠﻪ ﺳﺒﻌﻴﻦ ..
ﺷﺒﻘﺎﻟﺞ ﻭﺍﻟﻔﺮﺝ ﻣﺎﻭﺻﻞ ﺑﻌﺪﻩ .؟
ﺍﻟﺤﺰﻥ ﻛﻠﺶ ﻭﻓﻲ .. ﻭﺍﺗﺪﺭﺝ ﻭﻳﺎﺝ
ﺯﻭﺟﺔ ـــ ﻭﺍﻡ ـــ ﺍﻟﻰ ﺃﻥ ﺻﺮﺗﻲ ﺟَﺪﺓ
ﺍﻟﻤﺜﻠﺞ ﻣﻮ ﺗﻌﺐ ﺗﺎﻟﻴﻬﻪ .... ﺗﺮﺗﺎﺡ
ﺳﺠﺎﺩﺓ ﺻَﻠﻪ .. ﻓﺮﺍﺵ .. ﻭﻣﺨﺪﺓ ..
ﺣﺪﺭ ﺭﺟﻠﺞ ﺍﻟﺠﻨﺔ ﻭﺗﺎﺭﺳﺞ ﻋﻮﺯ !..
ﺃﻏﺮﺑـﻞ ﻋﻤـﺮﺝ .. ﻭﻣـﺎ ﺃﻟﻜَﻪ ﻭﺭﺩﺓ

شايل دناوه .... جلب
ولو عشك مره .... صدك
يعشك عشك .... مصلحه

ﺣﻴﻞ ﺑﻴﻨﻪ
ﺍﺣﻨﻪ ﺟﺒﻨﺎﻫﺎ ﻟﻨﻔﺴﻨﻪ ,,,,,, ﻭﻣﺎ ﺩﺭﻳﻨﻪ
ﺷﻠﻮﻥ ﻣﻦ ,,,,,,,,,, ﻧﻈﺮﻩ ﻫﻮﻳﻨﻪ؟
ﻭﻣﻦ ﺯﺭﻋﻨﻪ ﺍﻟﻨﺎﺭ ,,,,,, ﺑﻜﻠﻮﺏ ﺍﻟﺠﻔﺎﻓﻲ ﻭﺍﻧﺠﻮﻳﻨﻪ
ﺣﻴﻴﻴﻴﻞ ﺑﻴﻨﻪ..ﺻﺎﺭ ﺩﻭﻻﺏ ﺍﻟﻮﻛﺖ ,,,,ﻳﻔﺘﺮ
ﻋﻠﻴﻨﻪ
ﻷﻥ ﺳﻠﻤﻨﻪ ,, ,,,,, ﻣﻔﺎﺗﻴﺢ ﺍﻟﻤﺤﺒﻪ ﻭﺍمنينه
ﺟﻨﻪ ,, ﻏﺸﻤﻪ ,,وﺑﺎﻟﻌﺠﻞ ﺻﺎﺭﺕ ﺳﻮﺍﻟﻔﻬﻢ ,, ﺷﻌﺎﺭ ﻭﺻﺪﻛﻴﻨﻪ

من يدك شباجكم عصفور والدنيه مطر
كولي محبوبي اجه وحلي الشعر
من تجي نسمه خفيفه اتناغي ترجيتج برد
كولي محبوبي كعد
اكولي محبوبي برد
ردي بفراكج صرت كاع النجف ميت برد
ردي بفراكج الدنيه اللوانهه انترست جذب
لوحه ميته ماكو رسام اليروحلهه او يرد
خلاف عينج كلشي باهت
حتئ طعم الموت باهت
لا خساره ولا ربح
دنيه محتاجه ملح
سامحيني محلفج بخلك الصبح
سامحيني محلفج بحر الظهاري
سامحيني بداعت اول كلمه كاتبلج احبج
ذابهه بدربج حرز
ردي ليه بيه تقوة ملك ما شاف الاثم مره بحياته
طلك جناحه لجل خطوه اعلدربج
اشتهيتج
اشتهيتج بيه حسرة عانس بزفة اختهه
بيدهه اتصفط غطاهه وتحلم بليلة عرس

بـعيده ولايـتك والصـدفه فكـــــــــــت بـاب
اجـيت ومن لگيتك وجـهك مسـرگـه
..
مـن عـدهـه وعـرفـت بنـشــــغت المگتول
شتـعـوف الـرصـاصه حـروره بالتفگـه
..
امن امـوت بـرودتك خليـــــــــهه عالـتابوت
وبـيدك كـون نعـش جنـازتي تطبگـه
..
وخلـيلي دمـعـــــــــتـك عالـگبـر نيـشان
خـاف بجـفن گبـري دمـوع ماتلگـه
...
وخـاف يمـــــــر وكـت وتـزورني من بعيـد
تـدليـك بمـكـاني حـرورت الشهـگـه

 رايد افهم شنهو ردت فعلك؟؟

بوكــــــــــــــت العرس
اني ساكت بس لكيت
تعاتبك جن وانس
يعاتبنك وين وعدك؟
وية غيرك ما احس
وين؟ جلمات الحنان
ووين جلمات الهمس
خدودي
...صفرة من فركتك
بصُفرة غروب الشمس
...
وعيوني تنعى من غيابك
صعبة لو كلتلهة اس

مرة زعلني وضجت 
وكلت ها هية انتهت بيناتنة 
وحتى لو صدفة وتلاكينة بدرب
اعتيادي تنعكس خطواتنة 
وشائت الصدفة 
وتلاكينة بدرب 
هوة رايح ... وآنة جاي 
كلبي شك صدري وطفر وافتر وراي
وكام يدفعني علة دربة 
يكلي فدوة .... 
وألله اخر مرة هاي

تمنيت القيامه وانه احاسب بيك ....
واعفيها الخلك بس انته اكلك كوم
...
امشيك بجهنم ممشه عشر سنين
ومضاعف عليك الليله مية يوم ..
...
اتحايل عليك بكتلة العباس
وامليلك جربتك ماي من زقوم ...
...
اجيك بلا كلب خافن احن اعليك
ورد اعله الدرب ذاك البلايه هموم

جنت بالليل
من اغمض
ومن احس النوم اجاني
ادعي واطلب يا إلهي كون اشوف الطف ثواني
شگد دمع بعيوني ضام
ابچي كلما ردت انام
وابقى صاحي والدمع يغفه بمكاني
ذات ليله سافرت بيه الطيوف
بالحلم چن واكف بنص الطفوف
خيم والنار العليهه
والاطفال اتطفي بيهه
ماكدرت اتمالك الخوف الخذاني
چنت كلما اوكف گبال السهام
السهم يعبرني ويصيب الخيام
وافتهمت الحاله الهاي!!!!!!
لان ماعطشان ماي؟؟
انه لو ضامي السهم جا ماخطاني

أريد اشتم هوه منكَع عبير وهيل
انه معلعل ودور عالنفس مبيوكَ
عثر بيه الحزن طشر ضحكتي اجروح
وانه بروحي سوالف تخنكَ المخنوكَ
رابي ويالدمع من جان عمري اكَماط
الفرح لابسلي حنضل ماكَدرنه انضوكَ
انه بروحي كَصب من احجي تسمع ناي
الوجع يكشخ بجرحي واني اشد اعلوكَ
جبته امشي عدل بس الوكت معــــووج
اشوف الناس خرسه بس نضرهه احلوكَ
انه بخــنكَة عطش ما جاملت للـــــماي
صرت ناعور جرفي واني طافح شوكَ
بقيت بعز رغـــم ماشالني العصــــــفور
انه صـــابر رغـــــم مابيه فـــحطت نوكَ
اليزكَيني ضحكه بروحي يطرد ضــــيم
انه دافن ضحكتي بصوت بس مفتوكَ
عشت محبس ذليل اكَبال جف مبتور
عشت موسم شتالة كَاع ما مرفوكَ
انه مسافر كصيبه افتهم حجي الليل
المبلل وجـــع غير السهر مـــيضوكَ
اريــــد ارتاح سير عـــندي ملك الموت
عشت خنكَة تراجي اعله الزلف مدكَوك
خلص عمري تعب حدما هدل مكفاي
ترى المحني ضهر عنده شريف الطوكَ
انه بعازة دفــــو ومستحقر الــــحطاب
اخافن عالحطب عندي كلب محروكَ
شسوالف ياكلب حسرات روحي اثكال
اخاف احجي بعد يصرخ جرح مخنوكَ

إﺣﻨﻪ ﻫﻨﻮﺩ؟؟؟... 
إﺣﻨﻪ ﺃﻫﻞ ﺍﻟﻜﺮﻡ ﻭﺍﻟﺠﻮﺩ... 
إﺣﻨﻪ ﻫﻨﻮﺩ؟؟؟... 
إﺣﻨﻪ ﺭﺑﺎﺕ ﺩﻟﻪ ﻭمضغة ﺍﻟﺒﺎﺭﻭﺩ... 
إﺣﻨﻪ ﻫﻨﻮﺩ؟؟؟... 
إﺣﻨﻪ إلأصل ﻭﺍﻟﺪﻳﻮﺍﻥ... 
إﺣﻨﻪ ﺍﻟﻔﺎﻟﻪ ﻭﺍﻟﻤﻜﻮﺍﺭ ﻭﺃﻫﻞﺍﻟﺰﻭﺩ... 
إﺣﻨﻪ ﻫﻨﻮﺩ؟؟؟... 
ﺃﺣﻨﻪ ﻣﻦ ﻧﺴﻞ ﺯﻫﺮﺍﺀ 
ﻭإﻧﺖَ من ﺃﻛﻠﺔﺍﻟﻜﺒﻮﺩ... 
إﺣﻨﻪ ﻫﻨﻮﺩ؟؟؟... 
إﺣﻨﻪ ﺑﺜﻮﺭﺓ ﺍﻟﻌﺸﺮﻳﻦ ﺧﻠﻴﻨﻪ ﺍﻟﻠﻴﺎﻟﻲ ﺷﻬﻮﺩ؟؟؟... 
إﺣﻨﻪ ﻫﻨﻮﺩ؟؟؟... 
ﻭإﺣﻨﻪ ﺍﻟﻮﺍﺣﺪ ﻭﺍﻟﺘﺴﻌﻴﻦ... 
ﺳﺒﺎﻉ ﻭبالأرواح ﻧﺠﻮﺩ... 
إﺣﻨﻪ ﻫﻨﻮﺩ؟؟؟... 
ﺣﮒﻚ ﻣﺎ ﻋﺮﻓﺖ ﻫﻨﺎ ﻣﻀﻴﻒ ﻭﺑﺎﺑﻪ ﻣﺎ ﻣﺴﺪﻭﺩ... ﻭﻻﺗﻌﺮﻑ ﺑﺃﻫﻞ ﺫﻱ ﻗﺎﺭ ﻭﺍﻟﺒﺼﺮﺓ ﻭﻋﻤﺎﺭﺓﺍﻟﻔﻮﺩ... إﺣﻨﻪ ﻫﻨﻮﺩ؟؟؟... 
ﻣﻮ ﺫﻭﻟﻪ ﻻ ﺃﺑﻨﻬﻢﺻﺎﺡ ﻋﺪ ﻋﻴﻨﺎﺝ ﻳﺎﻣﻮﺻﻞ ﺃﺟﻮﺝ ﺟﻨﻮﺩ... 
ﻭإﻧﺖَ ﺍﻟﺼـَﺒـُّﺤـَﺖْ ﺑﺄﺭﺑﻴﻞ ﺧﺎﻳﻒ ﻻﻳﺬ ﺑﻤﺴﻌﻮﺩ... إﺣﻨﻪ ﻫﻨﻮﺩ؟؟؟... 
ﺑﺎﺟﺮ ﺗﻨﺠﻠﻲ ﻭﻳﺮﺟﻊ ﻋﺮﺍﻗﻲ ﺑﺨﻴﺮ ﻭﻛﻞ ﺧﺎﻳﻦ ﺟﺒﺎﻥ ﻳﻈﻞ ﻃـُﻌـُﻢْ ﻟﻠﺪﻭﺩ

كتلك لا تكلهم...
تموت أنته .... اعله ربهم ...
هذه حجايتي...
وبس الي تنكال ....
مـــــــاريدن ابد تسمعهه اذنهم ....
كتلك لا تكلهم ....
وصيحلهم باسمهم .....
اترك هل الغزل ..... بالك ابد تدناه
يكفي أخذوك ألهم .....
وتركولي .... سمهم ....
احلفك لا تكلهم ....
بالك لا تكلهم

البينه رس معدان من نعشك اخبال
آنه اويه روحي اعليك تتماطل امطال

عيش وحدك
موت فارغ
لا تحط للناس هم
الناس ماتهوة النده ولون الفراش
الناس تهوة بكل شبر مزروع دم

بعتني أبيش؟؟؟
وآنة المشتريك بـ طيف
بعتني أبيش؟؟
يا هو الشتل نظراتة اعله طولك ياس
شلون احلامي وين تروح؟؟
من نحلم كبل نترس الليل اعراس
من نحلم كبل حتى الشمس تنزل تريد مراد
الله وياك
بس شلون بيك الغربة ماتنراد

ياضواك
شويه طش وجهك عليه
اليل سالفته كمر
وصي خصرك لا يمر يم الفقير
الحاله مو مالت مطر
ياترف بس ارد اسألك
شفتك شكم لون بيها
شما تبللها بلسانك
من جديد ندوخ ونباوع عليها
الهيل بلكثره مصيبه
يأذي ويضعف الكلب
فدوه قلل من حلاتك
ولله ضعفت الدرب
شايل بصدرك مناره
وشايل بشفتي بلال
يمته اذنلك سوالف
كلهن سوالف حلال

من اموت برودتك خليهة ع التابوت
وبيدك كون نعش جنازتي اطبكة

وخليلي دمعتك ع الكبر نيشان
خاف بجفن كبري دموع ما تلكة

وخاف يمر وكت وتزورني من بعيد
تدليك بمكاني حرورة الشهكة

غصبوني اعله غيرج والله مجبور
حرام العشكَتهة وكَلبي تاناهــة ....
حرام اللي احبهة اتروح للغيـــر
وحرام الغير حتى يكَعد وياهــة.....
من هوسوا بحنتي صارت الهوسات
هاي الرادهــة بس مــا تمناهــــة

الله انطاك عمر وعشت وياي.
وي غيري اشتظن هم الله يطيك

كتببلك شعر ماكتبته اقلام ... 
يالوصفكك صعب مو سهله افسره
تستاهل دمع ينزل نهر لو سال ..
يالاطيب نسل نسل امك الزهره
من احجي بحضرتك اشتعل نيران..
لان حبك بكلبي مشتعل جمره
يامنبع وفه يا اغله من الروح..
شلون بفركتك ما اسجب العبره
كل لحظه بحياتي اذكر اسم حسين..
واذكر طيحته واذكر كطع نحره
واذكر عالنهر من شاف اخيه طاح..
واذكر دمعته واذكر كسر ظهره
يا ابن النبي وارث صفات البيه..
اجر حسره بوكعتك من بعد حسره
كلت خليني اسكت ما اكول حسين..
صرت مثل الغريب الحاير بأمره

(( امي لوحزنت شمس الله تغيب ))
(تحية الى جميع الامهات)
شكتب واوفي الج وبياشعور
يلصبرتي وياي تسعة منلشهور
يمة ماجازي التعب ورباج الي
يمة كون الله يحطج يم علي
صرتي خيمة برغم كل ذاك القهر
وتحملتي لجلنة ومنحنيتي الضهر
امي جوع تجوع ودر الحليب
امي لوحزنت شمس الله تغيب
تزهك الدنية وتضل تمطر رعيد
وبتسامتهة فرح يعني اجة العيد
امي تشفيلي المرض وتزيح المئاسي
امي هيجي بس تحط رجلهة تدوس راسي
جنة الله تحت اجدامهة الله يكول
يعني من ابوس اجدامهة همومي تزول
يعني من ابوس اجدامهة همومي تزول

اللــه يـا أنــي شكثــر كـاشخ فقيــر ..!
أضحـك لتابوت أبوي ...

وأنتـﭼــي على الله الجبيـر ...
شگـــــد فطيــــــر ...!

شگــد شلـت غيــبة هدومــي ...
العنها سـألونــي وگـلت " كلـــش حــريــر " ...!
وهنه " كــلـــش مـــو حـــريــــر

السهر يبّس جفوني بحسرة الدمعة بقيت
كون احضنك يا كّبر واتغطة بيك
كون ملفوف بجٍِفن حتة اعتنيك
هوة راح وانة للمامش بقيت